Gareewwaan ja'a gara godinaalee fi magaalotaa bobbaa'anii guyyoota 20 f ture, hojiwwaan baatii 9 darbanii qorachuun hanqinaalee, rakkoo fi kallattii hojii kennuun geggeessaa ture har'a bakka hoggansi ol'aanaan mana hojii, manaajimantii biiroo fi dursitoota garee argamanitti qorachuun bu'aa gaariin argamuu fi hojichi itti fufiinsaan kan hojjetamu ta'uun himameera.
Kallattii hoggansi kenneen Gareewwaan hundii gabaasa hojii dirree akka dhiyeessan erga taasisanii booda bu'aan gaariin raawwii mana hojichaa kan fooyyesse ta'uu hoggantuun BDO Aadde Masarat kaasuun cimina mul'atan cimee itti fufuu akka qabuu fi hanqinaalee mul'ataniifi harcaatii hojii furuun raawwii caalmaa galmeessuuf hojjetamuu akka qaban dhaamaniiru.
Ogeessonnii fi
geggeessitootni suppervishiniif bobba'an rakkowwaan daldala seeraan
alaa, kenna tajaajilaa irratti rincici jiraachuu fi oomishaalee al-ergii
duguuganii gabaa gidduu galeessaaf dhiyeessuu dhabuu akka rakkoo
ijootti kaasaniiru.
Baatii lamaan hafe keessatti hojiile harca'an
irratti ciminaan hojjechuun raawwii fooyyee galmeessuuf hojjetamuu akka
qabu kallattii kaa'aniiruu.